செங்கத்தில் விநாயகர் சதுர்த்தி ஊர்வலம் குறித்து தவெக நிர்வாகி வெளியிட்ட பதிவால் சர்ச்சை!செங்கம் பகுதியில் பல ஆண்டுகளாக நடைபெற்று வரும் விநாயகர் சதுர்த்தி ஊர்வலம் தொடர்பாக, தமிழக வெற்றிக் கழகத்தைச் சேர்ந்த நிர்வாகி ஒருவர் சமூக வலைதளத்தில் வெளியிட்டதாக கூறப்படும் பதிவு சர்ச்சையை ஏற்படுத்தியுள்ளது.மில்லத் நகரைச் சேர்ந்த தவெக நிர்வாகி இம்ரான் என்பவர், தமிழக முதலமைச்சரின் புகைப்படத்தையும் பயன்படுத்தி, முதலமைச்சரே கண்டிப்பது போன்ற தோற்றத்தை ஏற்படுத்தும் வகையில் சமூக வலைதளப் பதிவு ஒன்றை வெளியிட்டதாக கூறப்படுகிறது.பல ஆண்டுகளாக உரிய அனுமதிகளுடன் நடைபெற்று வரும் விநாயகர் சதுர்த்தி ஊர்வலத்தை புதியதாக நடைபெறும் நிகழ்வு போன்று சித்தரித்து, இறைச்சிக் கடைகளை மூட வேண்டும் என்ற கோரிக்கையையும் முன்வைக்கும் வகையில் அந்தப் பதிவு அமைந்துள்ளதாக கூறப்படுகிறது.மேலும், தமிழக முதலமைச்சரின் புகைப்படத்தைப் பயன்படுத்தி அவரே கண்டிப்பது போன்ற தோற்றத்தை ஏற்படுத்துவதுடன், மதக் கலவரத்தைத் தூண்டும் வகையிலும், அரசுக்கு அவப்பெயர் ஏற்படுத்தும் வகையிலும் செயல்படும் ஆளுங்கட்சியைச் சேர்ந்த நிர்வாகி எனக் கூறி, அப்பதிவு தொடர்பாக நடவடிக்கை எடுக்க வேண்டும் என்ற கோரிக்கையும் எழுந்துள்ளது.அனைத்து மதத்தினரின் ஒத்துழைப்புடனும், சம்பந்தப்பட்ட அதிகாரிகளின் அனுமதியுடனும் நடைபெறும் நிகழ்வை சமூக வலைதளத்தில் சர்ச்சைக்குரிய வகையில் சித்தரிப்பது பொதுமக்களிடையே அதிர்ச்சியையும் கேள்விகளையும் ஏற்படுத்தியுள்ளதாக தெரிவிக்கப்படுகிறது.
தமிழ்நாடு தலைமைச் செய்தியாளர் M. சங்கர்